قصة تأسيس المنتدى

[postbg=https://i.imgur.com/lRuwoVi.png]                        

  قصة تأسيس المنتدى

اليوم 13.6 يوم عظيم بالنسبة الي ، لانه بهاد اليوم عملت المنتدى فحبيت بهاي المناسبة أكتبلكم قصة تأسيس المنتدى .

بتاريخ 12.6 بالليل كانت العضوة tΉẻ pŘỊNċЁsŜ نايمة عنا وأكيد كلكم صرتوا تعرفوا انها بنت عمتي ، وكنا قاعدين وسهرانين ، وكانت أختي الكبيرة بتحكيلنا قصص رعب ، واحنا والصلاة على النبي بتعرفوا عصبنا قوي ، المهم ناموا خواتي الخمسة وضلينا "أنا "و"لينا" مش عارفين ننام ومنتوهّم باللي حكته أختي .

كنا نتحدث عن المنتديات ، وخصوصا عن منتدى مسجلين "أنا" و"اياها" فيه ، بعديها حكيتلها عن تجربتي الأولى في عمل منتدى ، صحيح كانت التجربة فاشلة جدا وما جمعت غير 6 أعضاء ، بس "أنا" حاولت وكمان كان عمري كتير صغير وقتها .
ومن خلال الحكي اجتلنا فكرة عمل المنتدى ، وتحيّرنا كتير باسمه ، كنا بالأول حابّين يكون متعلق بالفلسطينية ، بس بعدين اقترحت "لينا" انه نسمّيه باسم أختي الصغيرة "بسملة" ، وأعتقد وقتها كانت الساعة 3.5 الفجر .

وفي اليوم التاني "لينا" روّحت و"أنا" فتحت النت وعملت المنتدى ، هو يعني كنت أكبس هون وهناك .. "أنا" مش عارفة على شو بكبس بس المهم في النهاية زبط .
حكيت مع "لينا" وقلتلها اني عملته وفتْحَت عليه وبدينا نحط مواضيع ونعلّق ، وبعد بأسبوع تقريبا سجّلت أختي الصغيرة في المنتدى "لجين" (بنت فلسطينية) وبدت تساعدنا .

كنّا مُغرمين بالمنتدى لدرجة ازا دخل زائر كنا نكيّف ونعمل حفلة ، ضلينا وقت واحنا منستنى الأعضاء وما يئسنا ، بصراحة ما بتذكر مين سجّل أول حدا ، بس بعرف يومها كنا كتير مبسوطين ، ومرت الأيام والأعضاء ييجوا اما لحالهم أو احنا نجيبهم ، ويمكن كانت العضوة (فلسطينية بريئة وجريئة) "عدن"من أوائلهم ، وهون بحب أوقف بين السطور وأشكرها كتير لانها بذلت جهد وساعدتنا كتير وكانت عضوة نشيطة واستحقت تكون نائبة المديرة .

آسفة نسيت شغلة كان لازم أحكيها قبل "عدن" كنت مسجلة بمنتدى ما في داعي أحكي اسمه دعيت مدير هداك المنتدى اللي اسمه "عمر" حتى يسجّل بمنتداي ، ووافق وحطيته مدير وساعدني كتير والله .
كانت فترة ادارته محدودة عملّي تعديلات على المنتدى وبعدين شلت الادارة منه بس ضل معه اشراف عالدردشة ، وبعد مدة صرت أحس في اشي غريب بالدردشة (بتعرفوا أنا عندي الحاسة السادسة) فشلت منه الاشراف .

مرت الأيام و"أنا" أجيب أعضاء و"عمر" يجيب أعضاء و"لينا" تجيب أعضاء وفي أعضاء يسجلوا لحالهم .
وفي يوم من الأيام سجّل شخص في المنتدى اسمه "ابراهيم"، أنا فكّرته متل كل الأعضاء ، بس طلع أحسن بكتير وعرض خدماته في تصليح المنتدى ، "أنا" بالأول كنت متشككة وخايفة أعطيه الادارة ، بس بعدين احساس جواي حكالي مارح يصير شي وبالفعل ترتّب المنتدى وصار متل ما انتوا شايفينه هلأ وحطينا قوانين وبدينا نتعامل مع المنتدى بشكل منظّم ، و"أنا" ما بقدر غير اني أشكر هاد الانسان الرائع اللي ساعدنا بدون أي مقابل .

وفي هاد الوقت صارت مشاكل بين المدير "ابراهيم" وبين العضو "عمر" مش بالضرورة أذكرها ... فتم اخراج "عمر" من المنتدى .
بعد هاد الحكي بفترة ، تهكّر المنتدى وتم حذف غالبية الأعضاء ، وقتها اللي شاف المنتدى ما بسدّق انه هاد "منتديات بسملة" وتأثرت كتير وصرت أبكي ، حسيت كل تعبي وتعب غيري راح بالهوا ، صراحة لو كنت لحالي ما عرفت شو أعمل وكان المنتدى ما رجع ، بس "ابراهيم" كانت مهارته أكتر بكتييير من مهارتي بعالم المنتديات ، بتقدروا تحكوا "أنا" ما بفهم حتى بالمنتديات .. بذل كل جهده حتى يرجع المنتدى ، ومين ما كان اللي هكّر المنتدى وقتها الله يسامحه لاني ما تعلمت من أهلي غير المسامحة وان شاء الله ما يرجع يعيدها مرة تانية .

ومرت الأيام ومنتدانا يكبر فيكم لحتى اجا اليوم اللي بحب أرجع وأشكر الناس اللي تعبوا كتير على المنتدى ، في البداية أكيد رح أشكر "لينا" شكر خاص وكبير لانها ساندتني كتير بالمنتدى واللي وقفت معي من البداية ..
بعدها بحب أشكر "عدن" لانها كمان مدّت يد العون وكانت نشيطة وساعدتنا في المنتدى ..
وأنا من واجبي كمان أشكر "عمر" لانه لولاه ما كان تعرفت عليكم ..
وبحب أشكر "أمل" و"أحمد" و"نوران" وكل المشرفين والمشرفات الغاليين ..
باختصار بحب أشكر كل عضو بمنتدانا كان يفتح من قبل ونسينا ، او لهلأ بيفتح بما فيهم "محمد" و"محمد" و"بلال" و"سوما" و"فداء" و "ahk" و"هبة" و"غزل" ...
ان شاء الله ما بكون الزهايمر شغال وما أكون نسيت حدا ، وأكيد ما رح أنسى "ابراهيم" لانه تعب كتير على المنتدى ..

طوّلت عليكم كتير لهيك بحب أشكركم لانكم تحمّلتوني وقرأتوا كل القصة للآخر ، وبتمنى المنتدى يكبر أكتر وأكتر أكيد فيكم وفي تواجدكم الدائم ونشاطكم على طول بالمنتدى ، وان شاء الله يكون عامنا الجديد أفضل وأحسن من العام اللي مضى ، وربنا يوفقنا جميعا ويئدّرنا نساعدكم بالمنتدى ..


[ندعوك للتسجيل في المنتدى أو التعريف بنفسك لمعاينة هذا الرابط]


تحياتي لكم
"تسبيح" ...


كُتب بتاريخ
7.6.2014

روعه 
ولك لي مادكرتي اسمي "(
اهئ اهئ 
هههههههههههههههههههههههه
رووعه استمري

هههههههههههههه
تسلم اخي الغالي 
ع كل هدا التعب معانا 
وشكرا لآنك دكرت اسمي ولآ كنت بزعل هههههههه
بس مين امال "( مابعرفف حدا اسمه هيك  
وحبيت اسم اموله هههههههههههه
 يسلمو وانت اخونا الكبير العجووز ووانت نستشيره ")
مع تحياتي اموله ع قوله ابراهيم 

احبكم في الله ") حبايبي      

ﭑﻧ̲ﭑ ﻓ̨ﻟ̷ﺳ̉ﻁ̲يٓﻧ̲ﯾ̃ كتب:

كل عام وجميع الاعضاء بالف الف خير



بمرور سنه  من عمر هالمنتدى الاكثر من رائع



وعقبال ما نطفي الشمعه ال 100 من عمر المنتدى



وبشكر الاختين تسبيح ولينا على هالفكره الحلوه يلي طلعو فيها 


وعملو منتدى جمعنا وعرفنا ع بعض



وعم نقضي اوقات حلوووه كثير



وتعرفت ع ناس رائعين متل مديرتنا الغاليه تسبيح والاخت لينا وسوما



وامال ايمان وفطوم واموله ومين كمان؟ سوري اذا نسيت حد


كلكم غالين واعزاء 


تسببح بتعرفي اني صرت واحد من عائلة منتدانا الغالي



والمنتدى بعنيلي كثير كثير وبحس كانه منتداي وما ببخل عليه بشي



وصدقيني بدخل عليه قبل ما بدخل لمنتداي



لهيك مافي داعي للشكر هاد واجبي اتجاهكم واتجاه المنتدى وحق علي



وان شاء الله رح نطوره اكثر واكثر ويكون الافضل والاجمل بين المنتديات



ليناتو يا دبه ان شاء الله مارح اتغير ورح ضل خيك االاكبر يلي بعزك وبخاف عليكي

وضل جنبك ع طول

بايه شي تعتازينه وحتى لو ما اعتزتي شي انا جنبك ع طول ان شاء الله



مببروك مرور سنه وعقبال الشمعه ال عاشره بوجكم يا غالين



كل وانتم اجمل واروع اعضاء



احبكم في الله

وانتا بخير وصحه وسلامه يارب
أكيد انتا صرت واحد من المنتدى بس برضو لازم نشكرك لإنك بتتعب عليه كتير
نورت الموضوع
واحنا نحبك بالله أكتر وأكتر

tΉẻ pŘỊNċЁsŜ كتب:

يمكن اطول بالحكي بس سامحوني لاني مابقدر امسك حالي

لانه هاد المنتدى بالنسبة الي بيتي التالت بعد البيت والمدرسة

برتاح كتير وانا موجوده هون سواء في مدونتي او مع الاعضاء الكرام

بهاي المناسبة الحلوة بحب في البداية أشكر الغالية تسبيح مديرة المنتدى ومؤسسته

واللي تعبت كتيييير بهاد المنتدى ، وكانت شمعة منورة بتدوب في سبيل يكون المنتدى أروع ما يكون ( عجبني التشبيه )

وكمان شكرا للاخ عمر لانه كمان متل ما قالت تسبيح ساعدنا كتير في المنتدى ووقف معنا في بدايات تأسيس المنتدى

وشكر كتير كبير للاخ الغالي ابراهيم لانه فعلا اخ حقيقي وساعد بكل ما بقدر يعمله وبتمنى يبقى متل ما عرفناه

وشكرا لعدن الغالية اللي اشتقنالها كتير لانها كانت صديقة واخت اكتر من انها مجرد زميلة في المنتدى

وشكرا للجين لانها مجتهدة ومثابرة في عملها في المنتدى ومبارك الاشراف حبيبتي

وشكرا لامل اللي ضافت الفرحة والامل للمنتدى وزرعت البسمة في قلوبنا

وشكرا لسمية وفطوم وفداء وسوما ومحمد وكل الناس اللي عرفتهم هون على مجهودهم الرائع في سبيل انجاح المنتدى وتطويره

وشكرا لكل الناس اللي بالنسبة الي اشخاص خاصين ، راقيين ، قريبين مني كتير لدرجة كمان وجودهم معي في المنتدى واللي هي ahk

واخيرا ، شكرا لكل من دعم المنتدى وساهم في تطويره وانجاحه والسمو فيه لاعلى الاماكن

وبرجع بشكر تسبيح على المجهود الرائع اللي بذلته في المنتدى

ويعطيكم الف عافية وكل عام والجميع بالف خير

وان شاء الله سنة عن سنة منتطور ومنكون احسن وافضل باذن الله

والى الامام وبالتوفيق النا ...

نورتي حبيتي لينا
بس برضه لازم نحكي انك انتي ساعتيني بتأسيسه لإنه لولاكي كان ما صار المنتدى متل ما شايفاه
وشكرا على التشبيه الحلو متلك
امين
 

~♥آحِاسًيس ღ~ كتب:

روعه 
ولك لي مادكرتي اسمي "(
اهئ اهئ 
هههههههههههههههههههههههه
رووعه استمري

ذكرت اسمك وليه هبله مع المشرفين
تواجدك أروع حياتي
نورتي

بنت فلسطينية كتب:

عنجد كانت أيام حلوه

وانسيتي تشكرا اهم حد
انتي اكيد
لإنك انتي السبب في انا كلنا مجموعين اليوم بالمنتدى
وكل عام واالمنتدى والاعضاء بصحه وسلامه يااارب

+ تم التقييم

      

أها كانت ايام كتير حلوه
وانتي اكيد كنتي تحليها اكتر واكتر
شكرا   ::
نورتي وعقبال ما انشوفك متميزه باشرافك

سمية العسوله كتب:

بس الحمد لله تعبك ماراح سدا بيس الحمد لله اني معكم الان ههههههههههههههههههه

ههههههههههههههههههههه الحمد لله
نورتي سميه

كل عام والجميع بخير
وان شاء الله بتثمر جهودكم بعمل منتدى رائع ومعروف على مستوى عالي

ما رح اضيف على حكي الاعضاء اي شي
فكل عام وانتم جميعا بالف خير

كل عام وانتوبخير اختي

اشعر تماما بما تشعرين به وانتي تكتبين هذه الكلمات

فنفس تجربتك مررت بها  فانا مدير احد المنتديات

شعور رائع ان يجتمع اخوة في الله بدون اي حقد او قيداو شرط

اتمنى لكم الاستمرار في تألق هذا المكان وان يكون مصدر خير لكم

((اسم بسملة )) ظننته في البداية تابع لشبكة بسملة الانشادية

لكن تبين انه اسم فتاة وهو اسم حلوكتيير

بالتوفيق لكم يااارب

اخوكي في الله ((فارس )) من سوريا الجريحة

fareslove كتب:

كل عام وانتوبخير اختي

اشعر تماما بما تشعرين به وانتي تكتبين هذه الكلمات

فنفس تجربتك مررت بها  فانا مدير احد المنتديات

شعور رائع ان يجتمع اخوة في الله بدون اي حقد او قيداو شرط

اتمنى لكم الاستمرار في تألق هذا المكان وان يكون مصدر خير لكم

((اسم بسملة )) ظننته في البداية تابع لشبكة بسملة الانشادية

لكن تبين انه اسم فتاة وهو اسم حلوكتيير

بالتوفيق لكم يااارب

اخوكي في الله ((فارس )) من سوريا الجريحة

اهلا وسهلا فيك اخوي الغالي
عنجد شعور رائع والشعور الاروع انك اتشاركنا في القصة
نورت اخي
وبالتوفيق الك بمنتداك
وأهلا وسهلا بكل أهل سوريا الحبيب

غزل ... والكل فيني انحول كتب:

ما رح اضيف على حكي الاعضاء اي شي
فكل عام وانتم جميعا بالف خير

تسلمي حبيبتي
نورتي

احلى شي بمنتداكن انكن عالاغلب من فلسطين الغاللية

وكاني اول سوري هون ^^

tΉẻ pŘỊNċЁsŜ كتب:

fareslove كتب:

احلى شي بمنتداكن انكن عالاغلب من فلسطين الغاللية

وكاني اول سوري هون ^^

مش كلنا من فلسطين وكمان مش كلنا من نفس البلد من فلسطين
وفعلا انت اول سوري هون
واهلا وسهلا فيك اخي وبكل السورية

اممم أعتقد كان في بنت هون من سوريا بس بطلت تفتح

fareslove كتب:

احلى شي بمنتداكن انكن عالاغلب من فلسطين الغاللية

وكاني اول سوري هون ^^

اممممممم اه هو واضح هيك بس في عنا كم حد من غير فلسطين
شكرا اخي وسوريا كمان غاليه علينا كتيير
هههههههه بالوقت الحالي بس كان في قبل من سوريا

والنعم فيكم خيتو ^_^

شكرا شكرا
^__^